தென்னிந்தியாவில் உள்ள முக்கிய ஆன்மீக தலம்-தென்காசி

வரலாறு:

இந்தியாவின் தமிழ்நாட்டில் உள்ள தென்காசி மாவட்டம், திருநெல்வேலி மாவட்டத்தில் இருந்து பிரித்து 2019 ஆம் ஆண்டு உருவாக்கப்பட்டது. இந்த மாவட்டத்தின் நிர்வாக தலைமையகம் தென்காசி ஆகும். 13 ஆம் நூற்றாண்டில் பாண்டிய ஆட்சியாளர் பராக்கிரம பாண்டியன் கட்டப்பட்டதாக நம்பப்படும் சிவபெருமானுக்கு அர்ப்பணிக்கப்பட்ட ஒரு பெரிய கோயில் ஆன காசி விஸ்வநாதர் கோயிலுக்கு இந்த பகுதி பெயர் பெற்றது.

உருவாக்கம்: தென்காசி 2019 ஆம் ஆண்டு உருவாக்கப்பட்டது. தமிழ்நாட்டின் 38 வது மாவட்டமாக மாறியது.

புவியியல்: மாவட்டத்தின் மேற்கு பகுதி மேற்குத் தொடர்ச்சி மலையை ஒட்டி ஓடுகிறது, கிழக்கு பகுதி பெரும்பாலும் தட்டையான சமவெளிகளை கொண்டுள்ளது.

நிர்வாக தலைமையகம்: தென்காசி நகரம் மாவட்டத்தின் நிர்வாக தலைமையகம் ஆகும்.

அடையாளங்கள்: காசி விஸ்வநாதர் கோயில் ஒரு முக்கிய அடையாளமாகும். இது 13ஆம் நூற்றாண்டில் கட்டப்பட்டதாக நம்பப்படுகிறது.

வரலாறு: பதினாறாம் நூற்றாண்டில் இந்தப் பகுதி மதுரை பகுதியில் ஒரு பகுதியாக இருந்தது. மேலும் பாண்டிய மன்னர்கள் இப்பகுதியின் வரலாற்றில் குறிப்பிடத்தக்க பங்கை கொண்டிருந்தனர்.

பாண்டிய செல்வாக்கு: தென்காசியில் முடி சூட்டப்பட்ட முதல் பாண்டிய மன்னர் சதாவர்மன் பராக்கிரம பாண்டியர் ஆவார். மேலும் அடுத்தடுத்த அனைத்து பாண்டிய மன்னர்களும் காசி விஸ்வநாதர் கோயிலில் முடி சூட்டப்பட்டனர்.

சுதந்திர இயக்கம்: இந்த மாவட்டம் பிரிட்டிஷ் ஆட்சிக்கு எதிரான போராட்ட வரலாற்றை கொண்டுள்ளது. புலித்தேவன் போன்ற குறிப்பிடத்தக்க நபர்கள் ஆங்கிலேயர்களை எதிர்த்து போராடினர்.

பெயர் காரணம்: தென்காசி பெயர் வர காரணம், “தெற்கு காசி” ( தென் + காசி) என்ற பொருள் கொண்டது. வடக்கில் உள்ள காசிக்கு பதிலாக, தென்னிந்தியாவில் உள்ள முக்கிய ஆன்மீக தலமாக விளங்குவதால், தென்காசி என்ற பெயர் பெற்றது.

சிறப்பம்சங்கள்:

தென்காசி நகரம் மேற்கு தொடர்ச்சி மலையடிவாரத்தில் அமைந்துள்ள ஒரு அழகிய நகரமாகும். குற்றாலம் அருவி மற்றும் இதர இயற்கை எழில் கொஞ்சும் இடங்களினால் சுற்றுலாப் பயணிகளை ஈர்க்கும் ஒரு இடமாக திகழ்கிறது.

குற்றாலம் அருவி: தென்காசிக்கு அருகில் உள்ள குற்றால அருவி, பயணிகளை ஈர்க்கும் ஒரு முக்கிய இடமாகும். குற்றாலம் அருவியில் சென்று குளித்து மகிழலாம்.

காசி விஸ்வநாதர் கோயில்: தென்காசி நகரில் அமைந்துள்ள காசி விஸ்வநாதர் கோயில், தென்காசியில் மிக முக்கிய கோயில் ஆகும்.

சங்கமேஸ்வரர் கோயில்: தென்காசி அருகில் உள்ள சங்கமேஸ்வரர் கோயில், தென்காசியின் மற்றொரு முக்கிய கோயிலாகும்.

புனித மிக்கேல் அதிதூதர் கத்தோலிக்க திருத்தலம்: தென்காசி கத்தோலிக்க வட்டாரத்தின் முதன்மை ஆலயம் ஆகும்.

இயற்கை எழில்: மேற்கு தொடர்ச்சி மலை அடிவாரத்தில் அமைந்துள்ள தென்காசி, பசுமையான சூழலால் நிரம்பி உள்ளது.

வரலாற்று சிறப்பு: தென்காசி, பாண்டிய மன்னர்களின் ஆட்சி காலத்தில் ஒரு முக்கிய நகரமாக இருந்தது.

நீர்வீழ்ச்சிகள்: மெயின் அருவி, பழைய குற்றாலம், ஐந்தருவி, செண்பகாதேவி அருவி, தேனருவி, புலியருவி, சிற்றருவி, பழத்தோட்ட அருவி மற்றும் பாலருவி என பல பிரபலமான நீர்வீழ்ச்சிகள் உள்ளன.

வனப்பகுதிகள்: மாவட்டத்தில் பல வனப்பகுதிகள் உள்ளன. அங்கு பல்வேறு விலங்கினங்கள் மற்றும் தாவர இனங்கள் உள்ளன.

சமயங்கள்: இந்து, இஸ்லாம், கிறிஸ்துவ என பல மதத்தவர்கள் இங்கு வசிக்கின்றனர்.

சுற்றுலா தலங்கள்:

தென்காசி மாவட்டத்தில் பல சுற்றுலா தலங்கள் உள்ளன.அவற்றில் சில முக்கியத் தளங்கள் குற்றாலம் அருவிகள், காசி விஸ்வநாதர் கோயில், சங்கரன்கோவில், பொட்டல் புதூர் தர்கா, இலஞ்சி குமாரர் கோவில் ஆலயம், மேற்கு தொடர்ச்சி மலையின் அடிவாரத்தில் அமைந்துள்ள இயற்கை எழில் கொஞ்சும் கிராமங்கள்.

குற்றாலம் அருவிகள்: தென்காசி மாவட்டத்தில் மிக முக்கிய சுற்றுலா தலங்களில் ஒன்றாக குற்றாலம் அமைந்துள்ளது. இங்கே பல அருவிகள் உள்ளன. அவற்றுள் மெயின் அருவி, பழைய குற்றாலம், ஐந்தருவி, செண்பகாதேவி அருவி, தேனருவி, புளியருவி, சிற்றருவி, பழத்தோட்ட அருவி மற்றும் பாலருவி போன்றவை குறிப்பிடத்தக்கவை.

காசி விஸ்வநாதர் கோயில்: இது ஒரு புகழ் பெற்ற புண்ணிய ஸ்தலம்.

சங்கரன்கோவில்: இது ஒரு வரலாற்று சிறப்புமிக்க புண்ணிய ஸ்தலம்.

பொட்டல் புதூர் தர்கா: இது ஒரு வரலாற்று சிறப்புமிக்க புண்ணிய ஸ்தலமாகும்.

இலஞ்சி குமாரர் கோவில் ஆலயம்: இது தென்காசி மாவட்டத்தில் உள்ள சிறப்புமிக்க புண்ணிய ஸ்தலமாகும்.

மேற்கு தொடர்ச்சி மலையின் அடிவாரத்தில் அமைந்துள்ள இயற்கை எழில் கொஞ்சும் கிராமங்கள்: தென்காசி மாவட்டம் மேற்கு தொடர்ச்சி மலை அடிவாரத்தில் இயற்கை எழில் பொங்கும் சுற்றுச்சூழலில் அமைந்துள்ளது.

சிறப்புமிக்க கோவில்கள்:

தென்காசியில் உள்ள சிறப்பு வாய்ந்த கோவில்களை பற்றி காண்போம்.

காசி விஸ்வநாதர் கோவில்:

பொதுவாக தென்காசி சென்றால் பெரும்பாலான மக்கள் கண்டிப்பாக காசி விஸ்வநாதரை தரிசிக்காமல் வரமாட்டார்கள். அவ்வளவு சிறப்பு மிக்க கோயில் இந்த காசி விசுவநாதர் கோயில். திருக்கோயில் பராக்கிரம பாண்டியனால் திராவிட பாணியில் கட்டப்பட்டது. மேலும் இக்கோயிலை உலக அம்மன் கோயில் என்றும் அழைப்பர்.

திருக்குற்றாலநாதர் கோவில்:

இந்த கோயில் மிகவும் அழகான சூழலில் அமைந்த கோயில். அதாவது குற்றாலம் மெயின் அருவி அருகில் திருக்குற்றாலநாதர் வீற்றிருக்கிறார். திருக்குற்றாலம் அல்லது திரிகூடாசலம் என்பது நடராஜப் பெருமானின் ஐந்து பஞ்ச சபைகளில் ஒன்றாகும். குற்றாலநாதர் கோயில் சிவபெருமானை ஸ்ரீ குற்றாலநாதன் என்றும் அவரது துணைவி பார்வதி தேவி குழல்வாய்மொழி அம்மன் என்றும் அழைக்கப்படுகிறார்கள்.

திருமலை கோவில்:

செங்கோட்டையில் மாவட்டத்தில் இருந்து 5 கிலோமீட்டர் தொலைவில் பைம்பொழில் என்ற இடத்தில் சிறிய மலை மீது அமைந்திருக்கிறது அருள்மிகு திருமலை குமாரசுவாமி திருக்கோவில். கோவிலின் வடக்கு பிரகாரத்தில் தனிக்கோவிலில் வடக்கு திசை நோக்கி காட்சியளிக்கும் தில்லை காளியம்மன் இந்த தளத்தின் காவல் தெய்வமாக விளங்கி வருகிறார்.

மதுரவாணி அம்பாள் கோயில்:

பாண்டவர் காலத்தில் கட்டப்பட்ட இந்த பழமையான கோயில், தென்காசியில் இருந்து 13 கிலோமீட்டர் தொலைவில் உள்ளது. சாம்பவர் என்ற மரபினர் சிவன் கோயில் குருக்களாக இருந்தனர். ஆகவே, இந்த கிராமம் சாம்பவர் வடகரை என்று பெயர் பெற்றது. இங்கு வீற்றிருக்கும் தெய்வங்கள் திருமூலநாதர் மற்றும் மதுரகாளியம்மன்.

இதைத்தவிர இலஞ்சி முருகன் கோயில், ஆயக்குடி பாலசுப்பிரமணிய சுவாமி கோயில் ஆகியவை தென்காசி மாவட்டத்தில் பிரபலமான கோவில்கள்.

சித்திர சபை:

தமிழகத்தில் சிவபெருமான் நடனமாடிய பஞ்சசபைகளும் மிகவும் பழமையானது குற்றாலம் சித்திர சபை. குற்றாலம் திருக்குற்றாலநாதர் கோவிலின் துணைக்கோவிலான சித்திர சபை, குற்றாலநாதர் கோவிலுக்கு வடபகுதியில் ஐந்தருவிக்கு செல்லும் வழியில் அமைந்துள்ளது. தமிழகத்தில் உள்ள ஐந்து சபைகளுள், குற்றாலத்தில் உள்ள சித்திர சபை மட்டுமே பஞ்சபூதங்களையும் அடக்கியாளும் வகையில் அமைந்துள்ளது. கோவிலில், இறைவன் ஓவிய வடிவில் காட்சியளிக்கிறார்.

மேலும் இம்மாவட்டத்தில் கரிவலம்வந்தநல்லூர் பால்வண்ணநாதர் கோவில், இலஞ்சி முருகன் கோயில், ஆயக்குடி பாலசுப்பிரமணியசுவாமி கோயில், சங்கரநாராயனார் கோயில், வராகி அம்மன் கோவில், கொகுடி கோயில் மற்றும் பல சிறப்பு வாய்ந்த கோவில்கள் உள்ளன.